Մհեր Հովհաննիսյանը Երևանի պետական համալսարանի պատմության ֆակուլտետի շրջանավարտ է, պատմական գիտությունների թեկնածու, դոցենտ:

Դասավանդում է նույն համալսարանում, զբաղեցրել է ԵՊՀ Հայագիտական հետազոտությունների ինստիտուտի փոխտնօրենի և «Հայաստանի պատմագետների միություն» ՀԿ-ի գործադիր տնօրենի պաշտոնները:

Մասնագիտական շրջանակները ներառում են Հայոց պատմության նոր և նորագույն շրջանների, համեմատական սփյուռքագիտության, Հայոց պատմության դասավանդման մեթոդական, հայագիտության համացանցային քարոզչության հիմնահարցերը:

Ղեկավարել է «Սփյուռք» ամառային դպրոցը, իրականացնում է գիտագործնական և կրթական աշխատանքներ Հայ Սփյուռքում: