Top.Mail.Ru
ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Վրացական կողմն առաջարկեց զբաղեցնել խոսնակի աթոռը. Գավրիլով
2019-06-21 10:40:41

Վրաստանի խորհրդարանը երկու տարի շարունակ մեզ առաջարկում էր Ուղղափառության միջխորհրդարանական վեհաժողովը Վրաստանում անցկացնել և վերջապես գնացինք` «ԱլիքՄեդիա»-ի փոխանցմամբ  ասել է վեհաժողովի նախագահ, ՌԴ-ի կոմունիստական կուսակցության պատգամավոր Սերգեյ Գավրիլովը:

Նրա խոսքով, վրացական կողմից երաշխիք են ստացել ասամբլեայի բոլոր անդամների անվտանգության համար:

«Ասամբլեայի բացման ժամանակ մենք շնորհակալություն հայտնեցինք Վրաստանի հյուրասիրության և միջոցառման լավ կազմակերպման համար: Հունիսի 20-ին մեզ հրավիրեցին խորհրդարանի շենք: Վրացական կողմը առաջարկեց զբաղեցնել խորհրդարանի խոսնակի տեղը: Տանտերերը, որտեղ հրավիրում են, այնտեղ էլ զբաղեցնում եմ տեղը»,- նշել է Գավրիլովը:

Թբիլիսիում երեկ սկսվել են բողոքի ակցիաներ, որոնք պատասխանն են Ռուսաստանի Պետդումայի պատգամավորի Վրաստան ժամանելու: Ռուսական պատվիրակության ներկայությունը վեհաժողովին այնքան էլ միանշանակ չի ընդունվել․ նախ պատվիրակությանը Թբիլիսիում ակտիվիստները բողոքի ցույցով են դիմավորել, վանկարկելով, թե «Ռուսաստանն օկուպանտ է», այնուհետև խորհրդարանում վիճաբանություն է եղել։ Ինչպես իշխող, այնպես էլ ընդդիմադիր կուսակցությունների պատգամավորներն  բողոքել են ռուսական պատվիրակության ներկայությունից։ 

Թբիլիսիում բողոքի ցույցերն այս գիշեր վերածվել են անկարգությունների և հակակառավարական ելույթների. տասնյակ մարդիկ տեղափոխվել են հիվանդանոց։ Տուժել են թե՛ ցուցարարները, թե՛ ոստիկանները։ 

Թբիլիսիի գլխավոր փողոցներից մեկում` Ռուսթավելի պողոտայում, երեկ երեկոյան մոտ հազար մարդ է հավաքվել։ Նրանց մի մասը որոշել են գրոհով մտնել խորհրդարանի շենք։ Վրաստանի ՆԳՆ ներկայացուցիչները կոչ են արել ցրվել, սակայն ցուցարարները անտեսել են դա, և ոստիկանությունը արցունքաբեր գազ ու ռետինե գնդակներ է կիրառել։ Վրաստանի վարչապետի խորհրդական Դավիթ Սերգեենկոն լրագրողներին հայտնել է, որ տուժել են 30 ակտիվիստ և 39 ոստիկան։ 
 



 

Ամենաընթերցվածը