უნგრეთის პარლამენტის წარმომადგენელმა Panorama.am-ს დაუდასტურა ქვეყნის   პარლამენტის მიერ სომხეთ-ევროკავშირის შეთანხმების რატიფიცირების ფაქტი.

"დიახ, მე ვადასტურებ, რომ უნგრეთის პარლამენტმა სომხეთსა და ევროკავშირს შორის ყოვლისმომცველი და გაძლიერებული პარტნიორობის შესახებ შეთანხმების რატიფიცირება მოახდინა, რაც უნგრეთის ოფიციალურ ჟურნალში 2019 წლის 27 მარტს გამოქვეყნდა", - ამის შესახებ Panorama.am-ს განუცხადა უნგრეთის პარლამენტის საგარეო ურთიერთობათა კომიტეტის მრჩეველმა სიზი რეკამ.

აღსანიშნავია, რომ აქამდე ოფიციალურად არ იყო დადასტურებული ის ფაქტი, რომ უნგრეთმა  სრ-ევროკავშირის შეთანხმების რატიფიცირება მოახდინა.

შეგახსენებთ, რომ 2012 წელს სომხეთმა შეწყვიტა უნგრეთთან დიპლომატიური ურთიერთობები, რაც დღემდე არ აღდგენილა.  დიპლომატიური ურთიერთობები შეწყდა მაშინ, როდესაც უნგრეთმა მოახდინა რამილ საფაროვის ექსტრადიცია აზერბაიჯანში, რომელსაც უნგრეთში სამუდამო პატიმრობა ჰქონდა მისჯილი, მძინარე სომეხი ოფიცერის, გურგენ მარგარიანის ცულით მოკვლისთვის.

ამრიგად, სრ-ევროკავშირის შეთანხმება, რომელსაც ხელი მოეწერა  2017 წლის 24 ნოემბერს ბრიუსელში, უკვე რატიფიცირებულია  ევროკავშირის 13 წევრ-ქვეყნის მიერ, ასევე სომხეთის მიერაც.